Azərbaycan Dövlət “Yuğ” Teatrında Anton Çexovun “Albalı bağı” pyesi əsasında “Birinci pərdə” tamaşasının premyerası olub.

Bu, “Yuğ” teatrının qurucusu Vaqif İbrahimoğlunun rejissorluğu ilə hazırlanan son tamaşalardan biridir. Ustadın xatirəsinə ehtiram olaraq truppa tamaşanı bərpa edib.

Tamaşa Vaqif İbrahimoğlu tərəfindən 2009-cu ildə qurulub və tənqidçilər tərəfindən yüksək qiymətləndirilib. “Yuğ”un qurucusu 2011-ci ildə vəfat edib. İfaçılar dəyişsə də, interpretasiya prinsipləri mümkün qədər qorunub saxlanılıb.

Tamaşanın bərpaçı rejissoru Günay Səttar, quruluşçu rəssamı Rəşid Şərif, rəssamı Umay Həsənova, rejissor köməkçisi Günel Səfərovadır.

Rolları Təranə Ocaqverdiyeva, Nigar Mürsəl, Ləman Marrix, Amid Qasımov, Elgün Həmidov, Elşən Əsgərov, Raqib Allahquliyev, Oqtay Mehdiyev, Əbdülqəni Əliyev, Günəş Tegin, Murad Fərzəliyev ifa ediblər.

Tamaşanın musiqi tərtibatında Pyotr Çaykovskinin “Fəsillər” fortepiano silsiləsindən istifadə olunub.